Umsjón: Ásta Kristrún Ragnarsdóttir, námsráðgjafi

 

Tónlist - Saga og Náttúra - skapandi 5 daga sumarnámskeið  fyrir  6 - 12 ára börn.

Þátttakendur mæta á sunnudagskvöldi og kveðja síðla föstudags.

Hámarksfjöldi  nemenda er 12.
Verð kr 32 þúsund, gisting og fæði eru innifalin.
 

Rík áhersla er lögð á hlý mannleg samskipti og byrjað er með stuttri kvöldvöku þar sem þátttakendur kynna sig. Vonast er til að forsjáraðilar geti fylgt börnum sínum á staðinn og séu viðstaddir kynningarhluta kvöldvökunnar. Forsjáraðilar geta þá kynnt sér aðstæður og staðhætti námskeiðsins.
 

Þemun sem námskeiðið byggir á eru tónlistarsmiðja, útivist, náttúra, safnaheimsóknir, sagnavökur samskipti og tjáning.

 

Lögð er áhersla á að virkja þátttakendur í að vinna með upplifanir sínar og reynslu frá degi til dags. Kvöldvökur og morgunsamvera verða nýttar til umræðna og vangaveltna um það sem á daginn hefur drifið .

 

Þátttakendur fá að velja sér höfuðþema og fá þá að einbeita sér að því í tvo hálfa daga af þeim fimm sem námskeiðið stendur yfir.