Dagskrár Bakkastofu
Við Bakkastofuhjón tökum á móti gestum með tali og tónum og samveru hvort sem þeira koma í fjölmennum eða fámennum hópum.
Smærri hópar sækja okkur heim í Gömlu stofurnar í Bakkastofu en dagskrár stærri hópa fara oftast fram í Sal Gamla Frystishússins handan götunnar.
Þegar tími leyfir er gengið í gegnum þorpið og þá oft komið við í Bakkastofu. Við mátum okkur við væntingar hvers hóps og sníðum dagskrárnar útfrá þeim.
Umsjón með dagskránum er í höndum húsfreyjunnar, Ástu Kristrúnar.
Nánari upplýsingar bakkastofa.com / 821-2428
Valgeir spilar
Gestir okkar kjósa gjarnan að njóta veitinga frá Rauða húsinu, hinum rómaða veitingastað þorpsins.
Eftir eðli og tímalengd dagskráa má ýmist að fá matinn sendan á vettvang eða snæða hann í Rauða húsinu sem í göngufæri frá okkur, eða aka að Hafinu bláa við vestari brúarsporð Óseyrarbrúar en þangað er aðeins um 3 mínútna akstur.
Ásta segir
Gestir njóta
Við leggjum áherslu á innihald og nánd við gesti í öllum okkar dagskrám, óháð hópastærð.
Dagskrárnar smellpassa fyrir upplyftingaferðir vinnustaða, ráðstefnur og fundarhöld við óhefðbundnar aðstæður, fjölskyldumót og fyrir fyrirtæki til að bjóða erlendum samastarfsaðilum öðruvísi „út að borða“.
Og svo framvegis...
Dagskrárnar okkar eru allskonar og ýmiskonar, sambland af tónlistarflutningi, sagnastund.
Gamli frystihússalurinn, fyrrum fiskverkunarsalur Eyrar-bakka, býður kjöraðstæður fyrir tónlistar- og menningar-viðburði. Umhverfið er óhefðbundið en umfaðmandi fyrir hvers kyns móttökur og samkomur..
Gestir geta komið þangað með eigin fordrykki og í tengslum við dagskrár Bakkastofu njóta þeir oftar góm-sætra máltíða á hinum rómuðu veitingastöðum Bakkans, sem eru Rauða húsið og Hafið Bláa.
Þeim sem kjósa að dvelja yfir nótt bjóðast margbreytilegir kostir, en í þorpinu er hið rómaða "Bakki Hostel" með íbúðum sem og uppbúnum gæðakojum, auk fjöldi smærri gistilausna á vegum einkaaðila.
Fyrir þá sem kjósa að gista og staldra lengur við hjá okkur í þorpinu, má tengja heimsóknina við Húsið, Byggða-safn Árnesinga sem er á nokkrum stöðum í þorpinu.
Samkvæmt séróskum má líka skipuleggja innlit í hina ómótstæðilegu í Eyrarbakkkirkju.
Í þorpinu býr fjöldi listamanna og samkvæmt samkomulagi má heimsækja þá. Til dæmis listamann sem sker út undurfagra fugla og listakonu sem smíðar einkar fagra og frumlega skartgripi úr silfri.
Þá hefur Laugabúð getið sér gott orð fyrir sölu íslenskra listmuna og ef verslunin er ekki opin getum við í Bakkastofu kannað möguleikann á innliti.
Þá eru gönguferðir og útivist, útreiðar og kajakferðir nokkuð sem fella má inn í heimsóknir hér á Eyrarbakka.