Undanfarin 10 ár hefur Bakkastofa tekið á móti gestum úr ólíkum áttum og mótað dagskrár og aðlagað að óskum hvers og eins í því markmiði að gleðja og kæta.

​

Eyrarbakki þykir eitt af fegurstu þorpum landsins með aldagömlum húsum við hafið og náttúrufegurð allt um kring. Saga Eyrarbakka nær langt aftur um aldir og hér voru lögð lóð á vogaskálar í sjálfstæðisbaráttu þjóðarinnar. Litið er á Eyrarbakka sem „Mekka“ tónlistar Suðurlandi og hér var brotið blað í sögu menntunar svo fátt eitt sé nefnt.

​

Bakkastofa er þriggja hæða steinhús og staðsett í miðju þorpinu en jarðhæð þess þjónaði fyrrum Kaupfélagi Árnesinga og miðhæð með útsýni til allra átta var 
„lúxusíbúð“ kaupfélgshjónann. Dagskrár Bakkastofu fara nú fram á þessum tveimur hæðum en við Bakkastofuhjón, Valgeir Guðjónsson tónlistarmaður og Ásta Kristrún rithöfundur og sögukona, eigum okkar heimili í sjálfri Bakkastofu.

​

Bakkastofa starfar með ýmsum aðilum bæði í þorpinu og í námunda við það. Þar ber helst að nefna veitingahúsið Rauða húsið, Eyrarbakkakirkju, fyrir tónlistarflutning og þegar gestir eru mannmargir töltum við þangað, sem og Húsið; Byggðasafn Árnesinga.

​

Tímasetningar dagskrár eru breytilegar að deginum til en oftast er miðað við 2-3 klst, þó stundum eru óskir um styttri dagskrár þar sem tónlist  Valgeirs er þungamiðjan.
Þá fer það eftir fjölda gesta hvort tónleikarnir eru haldnir í Bakkstofu, Tónstofu Valgeirs á jarðhæðinni eða í hinni einstöku og hljómfögru Eyrarbakkakirkju. 

​

Kjörið fyrir upplyftingarferðir um allan ársins hring: vorferðir, sumarferðir, haustferðir og aðventu- og nýársferðir.

​

Bókanir og frekari upplýsingar veitir Ásta Kristrún í símum: 561-2429, 821-2426, 821-2428

og gegnum netfangið: bakkastofa@gmail.com