Söngvar og sagnir á Eyrarbakka eða þar sem verkast vill...
Söngvaskáldið

Það hefur verið sagt að þorri Íslendinga og flest greindari húsdýr geri sér grein fyrir tilvist Valgeirs Guðjónssonar, tónlistar hans og texta. Hann hefur farið víða í sköpun sinni og þykir nokkuð glúrinn við að velja lög við hæfi áheyrenda sinna hverju sinni.

 

Sem einn helsti brúarvörður Eyrabakkabrúarinnar er Valgeir jafnan reiðubúinn  að leyfa gestum að njóta verka sinna. Hann stígur á stokk í Bakkastofu, Rauða húsinu eða í Saga Music Hall eftir atvikum og leggur land undir fót ef svo er um beðið.

Efnisskráin spannar víðan völl verka Valgeirs, meðal annars þau sem deila bókstafnum S sem kennimerki: Spilverki þjóðanna, Stuðmönnum, Saga Music og svonefndum sólóferli listamannsins. Tónskáldið kynnir sjálft eigin verk.

Sagnakonan

Bakkastofa - Eyrargata 32, 820 Eyrarbakki / bakkastofa@eyrarbakki.is / tel. 821 2428 - 561 2429

Húsfreyjan í Bakkastofu, Ásta Kristrún, rekur föðurætt sína í "Húsið" í fimmta ættlið frá sómahjónunum Guðmundi Thorgrímssen og Sylvíu Níelsdóttur sem unnu fjölmörg góð og þörf verk á Eyrarbakka, svo í minnum er haft. Frá þeim hefur stór ætt vaxið og frænku- og frændgarðurinn lagt gjörva hönd á margt.

 

Sögur af þessu fólki hafa varðveist í ættinni, frá kynslóð til kynslóðar. 
 

Ásta Kristrún ólst upp við þessar sögur og hefur yndi af að miðla þeim áfram, því þær eru gjarnan stórar og dramatískar í sniðum og bregða birtu á liðna tíma sem margt má læra af.

Bakkastofa - Eyrargata 32, Eyrarbakki 820, Iceland

bakkastofa@gmail.com / sagamusica@gmail.com

tel: +354 821 2426 / 821 2428 / 561 2429