Lög og textar Valgeirs hafa snert og hrært ýmsa strengi  Íslendinga í bráðum 50 ár. Verk hans hafa hljómað á marg-víslegum vettvangi - á tónleikum, dansleikjum, í útvarpi, sjónvarpi og kvikmyndum, í heimahúsum, skólum, kirkjum, innan- og utanlands og svo mætti áfram telja.

​

VG er kunnur af góðu skopskyni sínu og afslappaðri framkomu þegar hann flytur lög sín og texta. Hann kann að lesa áheyrendur sína og það er einatt glatt á hjalla þegar hann flytur smelli sína og skelli.

​

Síðustu árin hefur maðurinn haldið fjölda lítilla tónleika á heimili sínu á Eyrarbakka, þar sem nándin og afslappað andrúmsloftið fá að njóta sín. Gestir biðja gjarnan um óskalög og allslags skemmtileg skoðanaskipti eiga sér stað.

​

Tónlistarmaðurinn Valgeir leggur land undir fót sé þess óskað og hann fer gjarnan í alla fjórðunga landsins.

​

Sé krafta listamannsins óskað er póstfangið 
bakkastofa@gmail.com og sími 821 2428