Stemmningin er mögnuð í Gamla Frystihúsinu á Eyrarbakka! Algengt er að tengja dagskrárnar við neyslu ljúfengrar súpu og heimabakaðs brauð frá Rauða húsinu, okkar dásamlega veitingastað.
Fámennari hópar njóta þess hins sama í Bakkastofu, handan götunnar. 
Samvera í tali og tónum
Sagnakonan
Söngvaskáldið

Húsfreyjan í Bakkastofu, Ásta Kristrún, rekur föðurætt sína í "Húsið" í fimmta ættlið frá sómahjónunum Guðmundi Thorgrímssen og Sylvíu Níelsdóttur.
 

Þau  unnu fjölmörg góð og þörf verk á Eyrarbakka á seinni hluta 19. aldarinnar, svo í minnum er haft. Frá þeim hefur stór ætt vaxið og sögur varðveist í ættinni, frá kynslóð til kynslóðar. 

 

Ásta Kristrún ólst upp við þessar sögur og hefur yndi af að miðla þeim áfram, því þær eru stórar og dramatískar í sniðum og bregða birtu á liðna tíma sem margt má læra af.

Þorri Íslendinga og flest greindari húsdýr geri sér grein fyrir tilvist Valgeirs Guðjónssonar, tónlistar hans og texta. Hann hefur farið víða í sköpun sinni og þykir nokkuð glúrinn við að velja lög við hæfi áheyrenda sinna hverju sinni.

 

Sem einn helsti brúarvörður Eyrabakkabrúarinnar stígur Valgeir á stokk í Bakkastofu, Rauða húsinu eða í Frystihúsinu eftir atvikum og leggur land undir fót ef um er beðið.

Efnisskráin spannar víðan völl verka Valgeirs, meðal annars þau sem deila bókstafnum S sem kennimerki: Spilverk þjóðanna, Stuðmenn, Saga Music og svokallaður sólóferill listamannsins. 

Bakkastofa - Eyrargata 32, Eyrarbakki 820, Iceland

bakkastofa@gmail.com / sagamusica@gmail.com

tel: +354 821 2426 / 821 2428 / 561 2429