top of page
Aðstaða fyrir mannamót á haustdögum og aðventunni

Aðventu-, jóla- og nýársboð fyrir stórfjölskylduna og aðra hópa 

Við í Bakkastofu  höfum skapað umgjörð fyrir fjölskyldur sem vilja koma saman í tilefni aðventu og  jóla.

 

Eins og gengur þá stækka fjölskyldur með tilkomu tengdabarna og barnabarna  og stundum getur það reynst erfitt að hýsa allan hópinn - en álagið á jólaboðshaldarann getur líka verið ærið.

Í  sal  Gamla Frystihússins á Eyrarbakka, þar sem Bakkastofa hefur aðstöðu, bjóðum við  gamaldags heimilislegt andrúmsloft með jólatré og jólaveitingum, jólasögum og jólasöng þar sem Valgeir og Ásta leggja sitt til málanna.
 

Gestir geta líka farið yfir í Bakkastofu sem er handan götunanr og gengið um stásstofurnar sem falla vel sem umgjörð fyrir fjölskyldumyndatökur Þá má flétta inn göngu um okkar fallega gamla þorp, líta við í Eyrarbakkakirkju og á jólatréssýningu " Hússins".

​

Af nógu er að taka til að gera stór-fjölskyldujólin að góðri og gefandi stund

Kjörið er að fjölskyldur skipuleggi og undirbúi leiki og litlar uppákomur, sem við Bakkastofubændur  njótum þes að hjálpa til með að útfæra. 

 

Sem dæmi má nefna leynijólagjafir, möndlugjafir sem eru alltaf vel þegnar, dansk-sænskur siður sem hefur fest í sessi hjá mörgum. Síðan eru siðir og venjur fjölskyldunnar til að rifja upp og svo framvegis. 

Fjölskyldur sem koma af höfuðborgarsvæðinu geta pantað rútuferð með aðstoð Bakkastofu og þá má segja að veislan hefjist strax í rútunni, þega fólk hittist og ber saman bækurnar.

 

Við hefjum Fjölskyldujólin í tíma seinni hluta nóvember, út aðventu á milli jóla og nýárs og áfram fyrstu vikuna á nýju ári. 

 

Jólakaffibrauð og rjúkandi súkkulaði frá veitngastaðnum okkar Rauða húsinu má panta í veisluna eða létta jólalega máltíð, allt eftir óskum hvers og eins.

​

Grunngjaldið sem er Kr 50.000 felur í sér skemmtun og aðstöðu.

​

Bakki Hostel er úrvals gistiheimili á góðu verði með uppbúnum kojum og brakandi líni og vel búnum hótelíbúðum að auki.   

Salurinninn okkar góði í Frystihúsinu
Veturinn er fallegur á Bakkanum!

Bakkastofa - Eyrargata 32, 820 Eyrarbakki / bakkastofa@eyrarbakki.is / tel. 821 2428 - 561 2429

bottom of page