Eyrarbakkabrúin - hvert liggur hún?

Dagskráín hefst í Bakkastofu með Ástu Kristrúnu og Valgeiri bónda hennar. Ásta leiðir gesti inn í heim forfeðra sinna og mæðra í Húsinu og um sögusvið horfins tíma sem lifir þó enn víða í hugskotum.

Ásta fær gesti til að upplifa með styrkinn og framsýnina sem fleytti landanum í gegnum harðindi inn í bjartari tíma. Það er ekki öllum ljóst hversu öflugt og gróskuríkt menningarsamfélagið á Eyrarbakki var.

 

Frá Ástu og Valgeiri ganga gestir yfir í Húsið þar sem safnstjórinn Lýður Pálsson og Linda Ásdísardóttir safnvörður taka á móti þeim og varpa ljósi á raunaðstæður þess tíma sem lýst var í Bakkastofu.

 

Uppbúin rúm og uppbúin japönsk fleti, ásamt brakandi timbri og Atlantshafinu út um gluggann sem teygir sig allla leið til Suðurskautslandsins, er upplifun sem segir skák og mát.

 

Eyrarbakki er sálaruplyfting og heilsubót Við bjóðum nú nýja dagskrá sem við köllum Eyrarbakkabrúna.

Við tengjum ýmsilegt áhugavert saman hér á Bakkanum og syngjum og segjum sögur. Eyrarbakkabrúin er bæði í lengri og styttri útgáfu, bæði hluta úr degi og önnur sem teygir sig á milli sólarhringa. Sú skemmri hentar hópum frá 10-30 manns; saumaklúbbar, vinnustaðir, fjölskyldur og þar fram eftir götunum.

Þeir sem sækja lengri dagskrána 8 -12 manns, halla höfði í sögufrægu húsi, sjálfum frumbarnaskóla þjóðarinnar, Gunnarshúsi, sem við höfum til afnota fyrir þá sem sækja námskeið og dagskrár á okkar vegum. Að auki vinnum við með Hótel Selfoss, sem býður gestum okkar góð kjör. Þá er búið að opna nýtt "Hostel Bakki" handan götuna frá Bakkastofu og víða eru gistiheimili sem opna á möguleika stærri hópa sem vilja koma, njóta náttúru, matar og gista í þorpinu.

 

bakkastofa - eyrargata 32, 820 Eyrarbakki / bakkastofa@eyrarbakki.is / tel. 821 2428 - 561 2429

Bakkastofa - Eyrargata 32, Eyrarbakki 820, Iceland

bakkastofa@gmail.com / sagamusica@gmail.com

tel: +354 821 2426 / 821 2428 / 561 2429