Eftir sérkennilega tíma þar sem við öll höfum þurft að halda að okkur höndum, vaknaði hugmyndin um að opna á nýjar orkustöðvar með sameiginlegu framlagi
góðs fólks.

 

Að þessu sinni verða allir viðburðir í boði án endurgjalds og eru einskonar Kóf - gjöf til þeirra gesta sem koma á Eyrarbakka þessa sunnudaga í október.

Við stefnum að öllum 4 sunnudögunum  kl. 13 - 16, með þematengdum viðburðum. Þar verða flutt stutt listræn
og fræðandi innlegg um einkenni Bakkans
og umhverfis hans í þátíð og nútíð.

 

1. Náttúruvísindi 

2. Bókmenntir leiklist og saga

3. Tónlist

 

 Á viðburðunum verður þemunum þó fléttað saman, til að mynda þegar fjallað um fugla og Fuglafriðlandið í Flóa og jarðfræði Eyrasvæðisins og Flóans.  Þá verður líka sungið um fugla og listafólk sem nýtir fugla í sköpun sinni kemur með sýnishorn af verkum sínum.

​

Tónlistarflutningur verður einnig fléttaður inn þegar ljóðalestur og flutningur stuttra leikþátta og upplestur úr Bakkabókum fer fram.

​

Enginn sunnudagsdagskránna verður eins samansett og þegar búið er að setja þær saman verða þær birtar á heimasíðu Bakkastofu, Hússins; Byggðasafni Árnesinga, heimasíðu Sveitarfélagisns Árborgar og á síðu Bjartra sunnudaga Facebókar, þar sem opna viðburði er að finna.

 

Bakkastofa heldur utan um og skipuleggur viðburðina í samvinnu við listafólk, fræðimenn og góða þorpsbúa.

​

Pop-up menningarmarkaður með fatnaði fyrir flestan aldur verður þó  alla sunnudagana í sal Bakkastofu, sem er til húsa í Gamla frystihúsinu.

 

Í sal  Bakkastofu stendur líka yfir sölusýning á verkum myndlistarmannsins Jóns Vilhjálms Stefánsssonar sem á ættir að rekja
til Hússins sem hýsir nú Byggðasafn Árnesinga. Bjóða má í verkin og eignast þannig merk verk á góðu verði. 

 

Gestum er beint á að hefja leik í Tónlistarsal Bakkastofu þar sem boðið er upp á hressingu með sunnlenskum kleinum,
kaffi, vatni og safadrykkjum. 

​

Þar má líka forvitnast nánar um  um viðburði hvers dags.

Helstu leiksvið viðburða verða eru Samkomusalurinn í Gamla frystihúsinu, Bakkastofa  Byggðasafnsinsið í Húsinu, Eyrarbakkakirkju 
og náttúran sjálf ef og þegar veður leyfir.